អ្នកសិល្បៈជាច្រើនប្រតិកម្ម និងទាមទារចង់បានយុត្តិធម៌ឲ្យកញ្ញា ពេជ្រ អាវីហ្សា បន្ទាប់ពីត្រូវប្អូនថ្លៃឧកញ៉ាប្រើអំពើហឹង្សា

កាលពីប៉ុន្មានម៉ោងមុននេះ មានការប្រតិកម្មជាច្រើន ជាពិសេសមិត្តៗអ្នកសិល្បៈដោយសារតែលេចធ្លាយរូបភាពកញ្ញាពេជ្រ អាវីហ្សា ហើមមុខ ខ្ទេចខ្ទង់ច្រមុះ និងមានស្លាកស្នាមលើរាងកាយផងដែរ ដែលបណ្តាលមកពីការប្រើអំពើហឹង្សារបស់ប្អូនថ្លៃឧកញ៉ាល្បីឈ្មោះម្នាក់។ ករណីខាងលើត្រូវបានបងប្អូនអ្នកសិល្បៈទាមទារចង់បានយុត្តិធម៌ឲ្យកញ្ញា ពេជ្រ អាវីហ្សា រហូតដល់សមាគមសិល្បៈបានប្រកាសផ្តល់មេធាវីឲ្យលើករណីនេះប្រសិនបើកញ្ញា ពេជ្រ អាវីហ្សាត្រូវការ។
នៅក្នុងករណីនេះដែរ លោកហេង ឡុង ដែលត្រូវបានគេស្គាល់ថាជាគូស្នេហ៍របស់អ្នកនាង ចន ច័ន្ទលក្ខិណា បានសរសេរលើបណ្តាញសង្គមរបស់លោកថា៖ អាងអំណាច អាងទឹកលុយ ខ្ញុំជឿថាកម្ពុជាពិតជាមានយុត្តិធម៍ជូនកញ្ញា ពេជ្រ អាវីហ្សា ! បើសមុីខ្លួនត្រូវការ សមាគមយើងនឹងផ្តល់មេធាវីជូន។ ចំណែកអ្នកនាង ចន ច័ន្ទលក្ខិណា បានសរសេរលើបណ្តាញសង្គមហ្វេសបុករបស់អ្នកនាងថា ៖ ខ្ញុំចង់សួរទៅមនុស្សប្រុស១ចំនួនថាហេតុអី ? មុននិងអ្នកលើកដៃវាយមនុស្សស្រីអ្នកមានគិតថានាងលះបង់អ្វីខ្លះដើម្បីអ្នក ? កិត្តិយស គ្រួសារ និង ខ្លួនប្រាណហេតុអីក៏ពួកអ្នកធ្វើបាប មនុស្សស្រីដូចសត្វយ៉ាងនេះ ? ខ្ញុំមិនដឹងថាតើអូន ពេជ្រអាវីសាគាត់មានកំហុសធ្ងន់ប៉ុណ្ណាទេ ខ្ញុំគ្រាន់តែដឹងថាពិភពលោកទាំងមូលកំពុងតែលប់បំបាត់អំពើហឹង្សាដែលកើតឡើងតាម ប្រទេសនិមួយៗ ជាពិសេសអំពើហឹង្សាពីបុរសមកលើស្ត្រី ពួកអ្នកគិតថាមនុស្សស្រីគឺជាបាវសាក់សំរាប់អ្នកបញ្ចេញកំហឹងឬ ? តើបងអាចជួយអ្វីបាន ? សាច់កម្មណាស់មនុស្សស្រី១ចំនួន។
ហើយក៏មានតារាសិល្បៈជាច្រើនរូបទៀតបានចូល ទៅ Comment ចង់បានយុត្តិធម៌ និងអាណិតកញ្ញាពេជ្រអាវីហ្សាផងដែរ។ យើងសង្ឃឹមថាសមត្ថកិច្ចនឹងធ្វើទៅតាមច្បាប់ ចាប់ផ្តន្ទាទោសអ្នកដែលប្រព្រត្តិអំពើហឹង្សាទៅលើស្រ្តីភេទយកទៅដាក់ទោស។ សូមបងប្អូនជួយស៊ែរទាំងអស់គ្នា!

រភព៖  KhmerNote