រន្ធត់ទៀតហើយ..!! រថយន្តដឹកសំរាមបុកក្មេងស្លាប់និងរបួស

ខេត្តព្រះសីហនុ៖ កាលពីវេលាម៉ោង៦និង៤០នាទីថ្ងៃទី២៣វិច្ឆិកា២០១៦នេះ មានហេតុការណ៍ដ៏រន្ធត់ទៀតហើយនៅលើផ្លូវបុរីកម្មករ ត្រង់ចំណុច កែងផ្លូវបំបែកសេតេ ស្ថិតនៅក្នុងភូមិ៣ សង្កាត់លេខ៣ ក្រុង-ខេត្តព្រះសីហនុ។ ហេតុការណ៍នេះកើតឡើង រវាង រថយន្តដឹកសំរាម និង ម៉ូតូ (ជិះគ្នា២នាក់ស្រីម្នាក់) ។
ប្រភពឲ្យដឹងថា គ្រោះថ្នាក់នេះបណ្ដាលឲ្យស្លាប់ក្មេងប្រុសម្នាក់ស្លាប់នៅនឹងកន្លែងកើតហេតុឈ្មោះ ភក្រ្ត័ រតនៈឈួយ អាយុ ១១ឆ្នាំ មុខរបរ សិស្ស អ្នករួមដំណើរលើម៉ូតូ និង រងរបួសស្រាល ស្រី អ្នកបើកបរម៉ូតូ ឈ្មោះ ភក្រ្ត័ សុក្រ ភេទស្រី អាយុ ១៥ឆ្នាំ មុខរបរសិស្សអ្នកទាំងពីរមានទីលំនៅភូមិ3 សង្កាត់លេខ១ ក្រុង-ខេត្តព្រះសីហនុចំណែកអ្នកបើកបររថយន្តបានរត់គេចខ្លួនបាត់ក្រោយពេល កើតហេតុ។រីឯវត្ថុតាងរថយន្ត និង ម៉ូតូ បានយកមករក្សាទុកនៅការិយាល័យនគរបាលចរាចរណ៍ ផ្លូវគោកខេត្ត ៕