ហានិភ័យណាស់ រថយន្តកិនកូនស្លាប់នៅមុខផ្ទះយ៉ាងអាណោចអាធ័ម ព្រោះផ្ទះជាប់ថ្នល់ពេក

ខេត្តព្រៃវែង៖ កាលពីវេលាម៉ោង១១នឹង០៥នាទី ថ្ងៃទី១៥ វិច្ឆិកាឆ្នាំ២០១៦នេះ នៅតាមបណ្តោយផ្លូវជាតិលេខ៣១៣ ស្ថិតក្នុងភូមិចាន់ ឃំុព្រៃកណ្តៀង ស្រុកពាមរក៍ខេត្តព្រៃវែង។
មានគ្រោះថ្នាក់ចរាចរណ៍ដ៏គួរឲ្យរន្ធត់មួយបានកេីតឡេីងបណ្តាលឲ្យក្មេងស្រី ម្នាក់បែកក្បាលស្លាប់នៅនឹងកន្លែងដោយសារតែរថយន្តធុនធំដឹកទំនិញ មួយគ្រឿងបេីកបុក។
យោងតាមប្រជាពលរដ្ឋបានឃេីញហេតុការណ៍បានឲអ្នកយកពត័មានយេីងដឹងថា៖នៅមុនពេល កេិីតហេតុគេបានឃេីញក្មេងស្រីរងគ្រោះខាងលេីបានរត់ឆ្លងថ្នល់នៅមុខផ្ទះរបស់ ខ្លួន ហេីយគាប់ជួនក៏មានរថយន្តមួួយគ្រឿងម៉ាកហុីយ៉ាន់ដាយពណ័សពាក់ស្លាកលេខ ព្រះសីហនុ 3A.2012 មានទិសដៅពី កេីតទៅ លិច បានបុកក្មេងស្រីរងគ្រោះបណ្តាលឲ ផ្លោងប្រវែង៧ម៉ែត្រ បែកក្បាលស្លាប់យ៉ាងអណោចអធម៌ជាទីបំផុត។
សមត្ថកិច្ចនៃអធិការដ្ឋាននគបាលស្រុកពាមរក៍ បានឲអ្នកយកព័ត៌មានយេីងដឹងថាក្មេងស្រីរងគ្រោះខាងលេីមានឈ្មោះ ផាត ស្រីទៃ អាយុ៤ឆ្នាំ រស់នៅចំណុចកេីតហេតុខាងលេី មូលហេតុក្មេងស្រីរងគ្រោះបានរត់ឆ្លងថ្នល់ចំណែកឯអ្នកបេីកបររថយន្តមានឈ្មោះថន យូវ ភេទប្រុសអាយុ២២ឆ្នាំ ក្រោយកេីតហេតុសមត្ថកិច្ចបានឃាត់ខ្លួនដេីម្បីកសាងសំណុំរឿងចាត់ការតាមច្បាប់។ សពត្រូវបានប្រគល់ឲ្យក្រុមគ្រួសារធ្វេីបុណ្យតាមប្រពៃណី៕