រូបមន្តធម្មជាតិសម្រាប់កម្ចាត់ ស្នាមសង្វាដោយប្រើមើមការ៉ុត

ស្នាមសង្វាអាចកើតមានលើមនុស្សគ្រប់រូប តែជាទូទៅវាបានកើតលើមនុស្សស្រី ច្រើនជាងមនុស្សប្រុស។ ស្នាមនេះអាចកើតមាននៅក្បាលពោះ ភ្លៅ គូទ និងលើដើមទ្រូងជាដើម។ ដើម្បីកម្ចាត់ស្នាម សង្វាប្រកដោយប្រសិទ្ធភាពខ្ពស់ លោកអ្នកអាចប្រើប្រាស់រូបមន្តធម្មជាតិខាងក្រោមនេះបាន៖
អ្វីដែលលោកអ្នកត្រូវការ៖
+ ការ៉ុត ១ កំណាត់
+ សម្បកក្រូចឃ្វិច ១ ផ្លែ
+ ប្រេងអូលីវ ៤ ស្លាបព្រាកាហ្វេ
ដាក់គ្រឿងផ្សំខាងលើចូលគ្នា និងកិនឲ្យម៉ត់ (ពេលកិនត្រូវកិនឲ្យលឿនបំផុត)។ យកល្បាយនេះមកលាប និងម៉ាស្សានៅលើស្នាមសង្វា (ត្រូវលាបទឹកឲ្យស្បែកមានសំណើមបន្តិចសិន)។ ទុកវាមួយស្របក់ ហើយចុងក្រោយត្រូវលាងសម្អាតជាមួយនឹងទឹកក្តៅ៕